Monday, April 22, 2013
Thursday, April 18, 2013
Saturday, April 13, 2013
ஏதுக்கடி ?
ஏதுக்கடி?
சுழிப்பில் கனிந்திதழ் நெளிப்பில் சுவைதரு
சுந்தரத் திருமுக முனக்கிருக்க - மஞ்சட்
குளிப்பில் திளைத்திளம் புளிப்புச் சுவைதரு
கோமள மாங்கனி ஏதுக்கடி?
துடித்து மொழிபயின் றெடுத்த சுவைதரு
துவரித ழோரிணை யுனக்கிருக்கக்- கிள்ளை
கடித்துக் குதறிடு வனத்துக் கொடிதரு
கோவையின் சிறுகனி ஏதுக்கடி?
வெடித்த நகையிடை நடித்து மயக்கிடு
வெண்ணிறப் பல்வரி யுனக்கிருக்கக்- கொம்பில்
வெடித்துச் சிரித்தெயி றடுத்த வரிசையை
விளக்கிடு மாதுளை ஏதுக்கடி?
விழிப்பி லுருண்டுவெண் மிதப்பில் தவழ்ந்திடு
விந்தைக் கருமணி யுனக்கிருக்கக்- கிளையின்
ஒளிப்பில் முதிர்ந்திலை விரிப்பில் பளிச்சிடும்
ஒண்கரு நாவலும் ஏதுக்கடி?
-தமிழ்நாடு ஞாயிறுமலர்--11-12-1966
Subscribe to:
Posts (Atom)