பாடும் பயனும்

                    பாடும் பயனும்

   கட்டவிழ் கமல நாப்பண்
     கமழ்விரி முல்லை யூடு
   மொட்டவிழ் கொன்றைக் காடு
     முகிழ்த்திடு மல்லி யேனை
   எட்டிய மலர்கள் கூட்டத்
     திடைநுழைந் ததனில் தேனைக்
   கிட்டிய மட்டு மாக்கிக்
     கூட்டுதல் தேனீப் பாடு;

   காட்டிய ஏவ லாக்கிக்
     கையதை மெய்மேற் கட்டிப்
   போட்டசில் லுணவை யுண்டு
     பொழுதெலா மவர்க்கே பாடு
   பட்டுநற் பயன்கள் யாவும்
     பணத்தோ டவர்பாற் சேர
   ஈட்டிய செல்வங் கண்டே
     ஏங்குத லுழைப்போர் செய்கை;

   பட்டவர் பயனைக் காணார்;
     படுதலே அவர்தங் கொள்கை;
   ஈட்டிய தேனில் நன்மை
     ஈக்களே காண்ப தில்லை;
   வாட்டிய உழைப்பி னாக்கம்
     வறியவர் பெறுவ தில்லை;
   கூட்டிய பயனைக் கொள்ளை
     கொடுத்துவிட் டேங்கு வாரே!