எழுத்தெதற்கு ?

எழுத்தெதற்கு ?

பார்வையில் கூர்மை மிகவேண்டும் - கண்ணிற்

பளிச்சென உண்மை படவேண்டும்.

சீர்மையைப் போற்றும் திறம்வேண்டும் - நிலவும்

தீமைகள் சாடும் உரம்வேண்டும்.

அல்லவை செய்வோர் தமைக்கண்டால் - பாட்டால்

அடிக்கும் துணிவு வரவேண்டும்

நல்லவை செய்வோர் பாதமலர் - போற்றி

நாளும் வணங்கும் உளம்வேண்டும்.

அதிகா ரத்தின் வால்பிடித்தே - வாயால்

அனுதினம் புகழா மனம் வேண்டும்.

எதுதான் வந்து மோதிடினும் - எழுத்தில்

இழுக்குச் சேரா நெறிவேண்டும்

அடிதடிக் கும்பல் அதட்டலுக்கே - சற்றும்

அஞ்சாத் துணிவு மிக வேண்டும்

இடித்துப் பொடியா யாக்கிடினும் - நத்தம்

எழுத்து எழுந்து வர வேண்டும்

பள்ளமே கிடப்போர் மேடுவர - எழுதிப்

பாதிப் புக்கள் தரவேண்டும்.

உள்ளமே நொந்து கிடப்போரை - மயில்

இற்காய்த் தடவும் திற்ம் வேண்டும்.

நல்லவை இவைகள் இல்லையெனில் - இந்த

நாட்டில் எழுத்தே எதற்காக?

அல்லவை ஒழிக்க வில்லையெனில் - எழுத்தே

அரும்புவ தெல்லாம் எதற்காக?